Osh

O'zbek dasturxonini tansiq taomlaridan biri bu palov. Meni eng sevimli taomlarim ro'yhatida turadi. Har bir viloyatning palov tayyorlash bo'yicha o'z uslubi bor. Hammasi o'zgacha ta'm, o'zgacha maza! Palovni shu darajada yaxshi ko'ramanki, har kuni bo'lsa yo'q demasdim. :)


Kerakli mahsulotlar:

0,5 kg qo’y go’shti

1 kg guruch (1litrli bankada to’la guruch , 1 kg ga teng)

1 kg sabzi

3 cho’mich oq yog’

1 stakan no’xot

1 dona behi

2 dona sarimsoq piyoz(chisnok)

2 dona yirik piyoz

Ziravorlar (ta’bga ko’ra, men tayyor mayizli, ziravorli priprava soldim)

 Tayyorlanish jarayoni:

Qozonga yog’ solib, qizigandan so’ng go’shtni qizarguncha qovurib, piyoz solib yana qovuriladi. ( to’qroq rang oshni hoxlovchilar piyozni ko’proq qovursin. Biznikilar oq oshni yoqtirishadi, shu sabab piyozni ko’p qovurmadim)

Sabzi  solinib, eti o’lguncha qovuriladi

Sabzini eti o'lgandan so'ng ,  ustini yopgungacha suv solinib, ustidan ivitilgan no’xot solinadi.( no’xot pishguncha tuz solinmaydi)

Qaynab chiqqandan so’ng sarimsoq piyoz, behi bo’laklarga bo’lib solinadi va 20-30 daqiqa mobaynida qaynatiladi.

Oshni damlashdan oldin ziravor, mayizlarni solib

Ustidan guruch solinadi, guruchni tekislab , botgunigacha suv solinib, suvi tortilgungacha baland olovda qaynatiladi.

Suvi tortilgandan so’ng, guruchni do’ppidek yig’ib, ustidan 5-6 ta qoshiqda teshikcha yasaladi.

Ustidan zira sepib, pishgan sarimsoq piyoz va behilar terib chiqililadi( ichida ezilib ketishi mumkin, chisnokni solib qo'ysa ham bo'laveradi) past olovda 25-30 daqiqa damlab qo’yiladi. Palov tayyor bo’lgach , suzib dasturxonga tortiladi. 

Yoqimli ishtaha