Loviyali salat

Dadamning eng sevimli salatlaridan biri bu loviyali salatdir. Qancha bo'lsa ham mazza qilib yeydilar. Tayyorlanishi juda oson va juda mazali salat. Albatta tayyorlab ko'ring :)

Kerakli mahsulotlar

1 kosa qizil loviya

1 dona bulg’or qalampiri (balgarskiy) yashil, qizil, sariq (farqi yo’q)

2 dona bodring

2 dona pomidor

2 bo’lak sarimsoq piyoz (chisnok)

1 dona piyoz

Ko’katlar

Yog’ ( 2-3 osh qoshiq)

Tayyorlanish jarayoni:

Loviyani 25-30 daqiqa mobaynida qaynatib, pishirib olinadi. Qaynab chiqqandan so’ng 2,3 marotaba oz-ozdan muzdek suv quyib turiladi (loviya ezilmay pishishi uchun) pishishiga 5 daqiqa qolganda ta’bga ko’ra tuz solinadi

Tovaga yog’ni solib, qizigandan so’ng piyozni 2-3 daqiqa qovurib olinadi

So’ng bulg’or qalampirini solib, yengilgina aylantirib sarimsoq piyoz ham solib yuboriladi.

Bodringni somoncha, pomidorni kubik shaklida tog’raladi

Pishgan loviya sovugandan so’ng , qovurib olingan massa, bodring, pomidor, ko’katlar bilan aralashtiriladi. 

Bezatib , dasturxonga tortiladi. Yoqimli ishtaha